ലോക്സഭയ്ക്ക് പിന്നാലെ രാജ്യസഭയിലും വഖഫ് നിയമ ഭേദഗതി ബിൽ പാസായി. വോട്ടെടുപ്പിൽ 128 പേരാണ് ബില്ലിനെ അനുകൂലിച്ചത്. 95 പേർ എതിർക്കുകയും ചെയ്തു. മാരത്തൺ ചർച്ചകൾക്കൊടുവിൽ കഴിഞ്ഞ ദിവസം ലോക്സഭയിൽ ബിൽ പാസാക്കിയിരുന്നു. തുടർന്ന് രാജ്യസഭയിൽ അവതരിപ്പിക്കുകയായിരുന്നു.
12 മണിക്കൂറിലേറെ നീണ്ട ചർച്ചകൾക്ക് ശേഷമാണ് രാജ്യസഭയിൽ ബിൽ പാസാക്കിയത്. ഇതോടെ പാർലമെന്റ് കടന്ന ബിൽ ഇനി രാഷ്ട്രപതിയുടെ അംഗീകാരത്തിനായി അയക്കും. ബില്ലിൽ രാഷ്ട്രപതി ഒപ്പിട്ട് കഴിഞ്ഞാൽ നിയമമാകും. വോട്ടെടുപ്പിൽ പ്രതിപക്ഷ അംഗങ്ങളുടെ നിർദേശം വോട്ടിനിട്ട് തള്ളുകയായിരുന്നു.
