ചെന്നൈ: നടൻ വടിവേലു ഡിഎംകെയുടെ സ്ഥാനാർത്ഥിയായി ലോക്സഭാ തെരഞ്ഞെടുപ്പിൽ മത്സരിക്കുമെന്ന് അഭ്യൂഹം. തനിക്കതേക്കുറിച്ച് അറിയില്ലെന്ന് വടിവേലു പറഞ്ഞെങ്കിലും പൂർണമായും നിഷേധിക്കാൻ താരം തയ്യാറായിട്ടില്ല. തമിഴിൽ ഏറ്റവും തിരക്കുള്ള ഹാസ്യതാരമായിരിക്കേ 2011-ലെ തിരഞ്ഞെടുപ്പിൽ വടിവേലു ഡി.എം.കെ.ക്ക് വേണ്ടി പ്രചാരത്തിനിറങ്ങിയിരുന്നു. ആ തിരഞ്ഞെടുപ്പിൽ അണ്ണാ ഡി.എം.കെ.യാണ് ജയിച്ചത്. അതിനു ശേഷം വടിവേലുവിന് സിനിമയിൽ അവസരങ്ങൾ തീരേ കുറഞ്ഞു. രാഷ്ട്രീയത്തിൽനിന്ന് അദ്ദേഹം വിട്ടുനിന്നു.
![](https://www.kottayammedia.com/wp-content/uploads/2024/08/achayans-gold-27-8-24.jpg)
വ്യക്തമായ രാഷ്ട്രീയ സൂചനകളുള്ള മാമന്നൻ എന്ന സിനിമയിൽ ഉദയനിധി സ്റ്റാലിനൊപ്പമാണ് വടിവേലു അവസാനം അഭിനയിച്ചത്. വടിവേലു വീണ്ടും രാഷ്ട്രീയത്തിലിറങ്ങാൻ പോവുകയാണെന്നും ഡി.എം.കെ. അദ്ദേഹത്തെ സ്ഥാനാർഥിയാക്കുമെന്നും അഭ്യൂഹം പരക്കാൻ ഇതും കാരണമാണ്.
![](https://kottayammedia.com/wp-content/uploads/2021/11/logo111.png)
![](https://kottayammedia.com/wp-content/uploads/2021/12/ad1.png)