Kerala
എംഎല്‍എമാരുടെ പോരാട്ടം, വടകരയില്‍ ആര് ജയിച്ചാലും ഉപതിരഞ്ഞെടുപ്പ്; കേരളത്തിലാദ്യം
കൊച്ചി: ലോക്‌സഭാ തിരഞ്ഞെടുപ്പിൽ കോണ്‍ഗ്രസിന്റെ സ്ഥാനാര്‍ത്ഥി പട്ടിക പ്രഖ്യാപിച്ചതോടെ ഏറെ ശ്രദ്ധേയമായിരിക്കുകയാണ് വടകര മണ്ഡലം. പാലക്കാട് എംഎല്‍എ ഷാഫി പറമ്പില്‍ ലോക്‌സഭയിലേക്ക് സീറ്റ് തേടി വടകരയിലെത്തുമ്പോള്‍ അത് ചരിത്രം കൂടിയാകുന്നു. ഒരു ലോക്‌സഭാ തിരഞ്ഞെടുപ്പില്‍ സിറ്റിങ് എംഎല്‍എമാര്‍ പരസ്പരം നേരിടുന്നു എന്നത് കേരള ചരിത്രത്തില്‍ തന്നെ ആദ്യം. അതുകൊണ്ട് തന്നെ അവിടെ ആര് ജയിച്ചാലും ഉപതിരഞ്ഞെടുപ്പ് ഉറപ്പ്. അത് മട്ടന്നൂരാണോ പാലക്കാടാണോ എന്നും തിരഞ്ഞെടുപ്പ് ഫലം വരുമ്പോള്‍ അറിയാം.