തൃശൂർ: തൃശൂരിൽ പാടശേഖരത്തിന് സമീപം കുത്തേറ്റ നിലയിൽ മൃതദേഹം കണ്ടെത്തി. തമിഴ്നാട് സ്വദേശിയുടേതാണ് മൃതദേഹം എന്നാണ് സംശയം. മണ്ണുത്തി കുറ്റമുക്ക് ആണ് സംഭവം. മൃതദേഹത്തിന്റെ വയറിൽ കുത്തേറ്റ പാടുണ്ട്.
മൃതദേഹത്തിൽ നിന്ന് മാംസം അടർന്നുപോയ നിലയിലാണുള്ളത്. കാലത്ത് നടക്കാൻ ഇറങ്ങിയ ആളുകളാണ് മൃതദേഹം കിടക്കുന്നത് കണ്ടതും വിവരം പൊലീസിനെ അറിയിച്ചതും. ഇടുപ്പിന് സമീപം കുത്തേറ്റതായി കാണുന്നുണ്ട്. മൃതദേഹം മറ്റ് പരിശോധനകൾക്കായി മെഡിക്കൽ കോളേജ് ആശുപത്രിയിലേക്ക് മാറ്റിയിട്ടുണ്ട്. സംഭവത്തിൽ അന്വേഷണം തുടരുകയാണ്.
