Crime
പാക്കിസ്ഥാനിലെ ട്രെയിന്‍ റാഞ്ചൽ; 30 പാക് സൈനികർ കൊല്ലപ്പെട്ടു
പാക്കിസ്ഥാനിൽ ട്രെയിൻ തട്ടിയെടുത്തതിന് പിന്നാലെ ബലൂച് വിമോചന പോരാളികൾ നടത്തിയ വെടിവയ്പ്പിൽ 30 പാക് സൈനികർ കൊലപ്പെട്ടു.
182 യാത്രക്കാരെയാണ് ബന്ദികളാക്കിയിരിക്കുന്നത്. ബലൂച് വിമോചന പോരാളികളിൽ 16 പേരും കൊല്ലപ്പെട്ടു. ശക്തമായ ഏറ്റുമുട്ടലുകൾക്ക് ശേഷം പാക് സൈനികർ പിന്മാറി. സൈനിക നടപടിയിലേക്ക് കടന്നാൽ യാത്രക്കാരെ കൊലപ്പെടുത്തുമെന്നായിരുന്നു ബലൂചിന്റെ ഭീഷണി.
ക്വറ്റയിൽ നിന്നും പെഷവാറിലേക്ക് പോയ ജാഫർ എക്സ്പ്രസ് ട്രെയിനാണ് ബലൂച് വിമാേചന പോരാളികൾ തട്ടിയെടുത്തത്. 450 യാത്രക്കാരാണ് ട്രെയിനിൽ ഉണ്ടായിരുന്നത്. ഇതിൽ സ്ത്രീകളെയും കുട്ടികളെയും ബലൂചിസ്ഥാൻ സ്വദേശികളായ യാത്രക്കാരെയും വിട്ടയച്ചുവെന്ന് ബലൂച് വിമോചന പോരാളികൾ പുറത്തിറക്കിയ പ്രസ്താവനയിൽ പറയുന്നു.