Kerala
ദീപാവലിക്ക് വന്‍ തിരക്ക്; ബെംഗളൂരു റൂട്ടില്‍ രണ്ട് സ്‌പെഷ്യല്‍ ട്രെയിനുകള്‍
ദീപാവലിയുടെ വന്‍ തിരക്ക് പരിഗണിച്ച് ബെംഗളൂരു റൂട്ടില്‍ രണ്ട് സ്‌പെഷ്യല്‍ ട്രെയിനുകള്‍ പ്രഖ്യാപിച്ചു. യശ്വന്തപുരയില്‍ നിന്ന് കോട്ടയം വരെയും ഹുബ്ബള്ളിയില്‍ നിന്ന് ബെംഗളൂരു വഴി കൊല്ലത്തേക്കുമാണ് സ്‌പെഷ്യല്‍ ട്രെയിനുകള്‍ പ്രഖ്യാപിച്ചത്. ഹുബ്ബള്ളി ബെംഗളൂരു കൊല്ലം സ്‌പെഷ്യല്‍ ട്രെയിന്‍ (07313) 26ന് ഉച്ചയ്ക്ക് 3.15ന് ഹുബ്ബള്ളിയില്‍ നിന്നു പുറപ്പെട്ട് രാത്രി 11.00 ന് ബെംഗളൂരു എസ്എംവിടിയിലും, അടുത്ത ദിവസം വൈകിട്ട് 5.10ന് കൊല്ലത്തും എത്തും.
ട്രെയിന്‍ (07314) ഞായറാഴ്ച രാത്രി 8.30ന് തിരിച്ച് കൊല്ലത്ത് നിന്നു പുറപ്പെട്ട് അടുത്ത ദിവസം ഉച്ചയ്ക്ക് 11.30ന് ബെംഗളൂരു എസ്എംവിടിയിലും രാത്രി 8.45ന് ഹുബ്ബള്ളിയിലും എത്തും. പ്രധാന സ്റ്റോപ്പുകള്‍: കൊല്ലം, കുണ്ടറ, കൊട്ടാരക്കര, ആവണീശ്വരം, പുനലൂര്‍, തെന്മല, ചെങ്കോട്ട, തെങ്കാശി, വിരുദനഗര്‍, മധുര, ഡിണ്ടിഗല്‍, കരൂര്‍, സേലം, ബംഗാരപേട്ട്, കൃഷ്ണരാജപുരം, ബെംഗളൂരു എസ്എംവിടി, തുംകൂര്‍, റാണി ബന്നൂര്‍, ഹവേരി.