India
ഷാരൂഖിന് വൈ പ്ലസ് സുരക്ഷ; തോക്കുമായി ആറ് സുരക്ഷാ ഉദ്യോഗസ്ഥര്‍
വധ ഭീഷണിയെ തുടര്‍ന്ന് ബോളിവുഡ് സൂപ്പര്‍താരം ഷാരൂഖാന്റെ സുരക്ഷ വര്‍ദ്ധിപ്പിച്ചു. വൈ പ്ലസ് സുരക്ഷയാണ് മുബൈ പോലീസ് താരത്തിനായി ഒരുക്കിയിരിക്കുന്നത്. തോക്കുമായി ആറ് സുരക്ഷാ ഉദ്യോഗസ്ഥര്‍ ഷാരൂഖിന് കാവല്‍ നില്‍ക്കും. പോലീസ് വാഹനങ്ങളുടെ സുരക്ഷയിലായിരിക്കും യാത്രയും. മുംബൈയിലെ വസതിയായ മന്നത്തിനും പോലീസ് സുരക്ഷ വര്‍ദ്ധിപ്പിച്ചിട്ടുണ്ട്.
ഒക്ടോബറിലും ഷാരൂഖിനെ വധിക്കുമെന്ന് പോലീസില്‍ സന്ദേശം എത്തിയിരുന്നു. അന്ന് മുതല്‍ പോലീസ് സുരക്ഷ നടനുണ്ട്. രണ്ട് സായുധരായ ഉദ്യോഗസ്ഥരായിരുന്നു സുരക്,ക്ക് നിയോഗിച്ചിരുന്നത്. വധഭീഷണി ആവര്‍ത്തിച്ചതോടെയാണ് സുരക്ഷാ ക്രമീകരണങ്ങള്‍ വര്‍ദ്ധിപ്പിച്ചത്. മഹാരാഷ്ട്ര പോലീസിനാണ് വീണ്ടും സന്ദേശം ലഭിച്ചത്. ലാന്‍ഡ് ഫോണില്‍ വിളിച്ച് 50 ലക്ഷം രൂപ തന്നില്ലെങ്കില്‍ ഷാരൂഖ് ഖാനെ ഉടന്‍ വധിക്കുമെന്നായിരുന്നു സന്ദേശം.