കെപിസിസി നേതൃത്വത്തിനെതിരെ തുടര്‍ച്ചയായി രണ്ടാം ദിവസവും വാര്‍ത്താസമ്മേളനം വിളിച്ച് കെപിസിസി ഡിജിറ്റൽ മീഡിയ സെൽ കൺവീനർ ഡോ.പി.സരിൻ. കേരളത്തിലെ കോണ്ഗ്രസിന്റെ അധപതനത്തിന് കാരണം പ്രതിപക്ഷ നേതാവ് വി.ഡി.സതീശനാണ്. കോക്കസുകളിലേക്ക് ഒതുക്കി കോണ്‍ഗ്രസിനെ ഹൈജാക്ക് ചെയ്തത് സതീശനെന്നും സരിന്‍ ആരോപിച്ചു.
“ഞാനാണ് പാർട്ടി എന്ന രീതിയിലേക്ക് മാറ്റിയെടുത്ത് കോൺഗ്രസിലെ ജനാധിപത്യം തകർത്തത് സതീശനാണ്. സിപിഎം വിരുദ്ധതയുടെ മേലങ്കിയണിഞ്ഞ സതീശന് മൃദു ബിജെപി സമീപനമാണ് ഉള്ളത്. ഇത് ചോദ്യംചെയ്തില്ലെങ്കിൽ കോൺഗ്രസ് തകരും. പാലക്കാട്ടെ കോൺഗ്രസിന്റെ നീക്കത്തിൽ ആത്യന്തിക ഗുണഭോക്താവ് ബിജെപിയായിരിക്കും എന്നറിഞ്ഞുകൊണ്ട് തന്നെയാണ് വടകരയിൽ ഷാഫിയെ മത്സരിപ്പിച്ചത്.”
