മലപ്പുറം: ഭിന്നത രൂക്ഷമായതോടെ പരസ്യമായി ഏറ്റുമുട്ടി സമസ്തയിലെ ലീഗ് അനുകൂലികളും ലീഗ് വിരുദ്ധരും.
സാദിഖലി തങ്ങള്ക്ക് എതിരെ ഉമര് ഫൈസി മുക്കം പ്രസംഗിച്ച എടവണ്ണപ്പറയില് വെച്ച് തന്നെ ഉമര് ഫൈസിക്ക് മറുപടി നല്കാന് സമസ്തയിലെ ലീഗ് അനുകൂലികളുടെ നേതൃത്വത്തില് സമ്മേളനം വിളിച്ചിട്ടുണ്ട്. ഇന്ന് വൈകുന്നേരം ഏഴ് മണിക്കാണ് സമസ്ത ആദര്ശ വിശദീകരണ മഹാസമ്മേളനം സംഘടിപ്പിക്കുന്നത്.
സ്വതന്ത്ര കൂട്ടായ്മയായ സുന്നി ആദര്ശ വേദിയുടെ നേതൃത്വത്തില് കോഴിക്കോടും പരിപാടി സംഘടിപ്പിക്കുന്നുണ്ട്. ഉച്ചക്ക് രണ്ട് മണിക്ക് ആണ് കോഴിക്കോട്ടെ പരിപാടി.
