India
അമേഠിയില്‍ രാഹുൽ ഗാന്ധി മത്സരിക്കുമോ? റായ്ബറേലിയില്‍ ആര്?; കേന്ദ്ര തിരഞ്ഞെടുപ്പ് സമിതി യോഗം ഇന്ന്
ന്യൂഡൽഹി: അമേഠി, റായ്ബറേലി മണ്ഡലങ്ങളിലെ കോൺഗ്രസ് സ്ഥാനാർത്ഥികളുടെ കാര്യത്തിൽ തീരുമാനം ഇന്ന്. കേന്ദ്ര തിരഞ്ഞെടുപ്പ് സമിതി വൈകിട്ട് യോഗം ചേരും. സ്ഥാനാർത്ഥികളെ പ്രഖ്യാപിക്കാനുള്ള എല്ലാ മണ്ഡലങ്ങളുടെയും കാര്യത്തിൽ ചർച്ചകൾ നടക്കും. മത്സര സാധ്യത തള്ളാത്ത സാഹചര്യത്തിൽ രാഹുൽ ഗാന്ധി തന്നെയാകും അമേഠിയിലെ സ്ഥാനാർത്ഥി എന്നാണ് സൂചന. രാഹുൽ ഗാന്ധി മത്സരിച്ച വയനാട്ടിൽ തിരഞ്ഞെടുപ്പ് പൂർത്തിയായതോടെ മുഴുവൻ കണ്ണുകളും അമേഠി, റായ്ബറേലി മണ്ഡലങ്ങളിലാണ്.