Politics
കോണ്‍ഗ്രസ് നേതാക്കളില്‍ ചിലര്‍ ബിജെപിക്ക് വേണ്ടി പണിയെടുക്കുന്നു; രാഹുൽ ഗാന്ധി
ഗുജറാത്തിലെ പൊതുയോഗത്തില്‍ സംസാരിക്കുമ്പോഴാണ് കോണ്‍ഗ്രസ് നേതാക്കളുടെ ബിജെപി സ്‌നേഹത്തെ രൂക്ഷമായി രാഹുല്‍ ഗാന്ധി വിമര്‍ശിച്ചത്.
ഗുജറാത്തിലെ ചില കോണ്‍ഗ്രസ് നേതാക്കള്‍ ബിജെപിക്ക് വേണ്ടി ജോലി ചെയ്യുകയാണ്. അവരെ കണ്ടെത്തണം. അതിന് പ്രവര്‍ത്തകര്‍ മുന്നോട്ട് വരണമെന്നും അഹമ്മദാബാദിലെ കോണ്‍ഗ്രസ് പ്രവര്‍ത്തകരുടെ റാലിയില്‍ രാഹുല്‍ പറഞ്ഞു.
രണ്ട് തരത്തിലുള്ള നേതാക്കളാണ് കോണ്‍ഗ്രസിനുള്ളത്. ജനങ്ങളോട് സത്യസന്ധത പുലര്‍ത്തുന്നവരും. അവര്‍ക്ക് വേണ്ടി പോരാടുന്നവരും. കോണ്‍ഗ്രസിന്റെ പ്രത്യയശാസ്ത്രം പിന്തുടുന്നവരും. എന്നാല്‍, മറ്റൊരു വിഭാഗം ജനങ്ങളില്‍ നിന്നും അകന്നു നില്‍ക്കുന്നവരാണ്. അവരില്‍ പകുതിയും ബിജെപിക്കൊപ്പമാണെന്നും രാഹുല്‍ തുറന്നടിച്ചു.
