പി.പി.ദിവ്യയെ അറസ്റ്റ് ചെയ്യണം എന്നാവശ്യപ്പെട്ടുള്ള കണ്ണൂരിലെ ബിജെപി മാര്‍ച്ചില്‍ വന്‍ സംഘര്‍ഷം. പോലീസ് ബാരിക്കേഡ് മറിച്ചിടാന്‍ പ്രവര്‍ത്തകര്‍ ശ്രമിച്ചതോടെയാണ് സംഘര്‍ഷം ഉണ്ടായത്.
പോലീസുമായി സംഘര്‍ഷമുണ്ടായതോടെ പ്രവര്‍ത്തകര്‍ റോഡ്‌ ഉപരോധവും നടത്തി. പോലീസ് കമ്മിഷണര്‍ ഓഫീസിലേക്ക് ആണ് ബിജെപി മാര്‍ച്ച് നടത്തിയത്. ആദ്യം ജലപീരങ്കി പ്രയോഗിച്ചെങ്കിലും പ്രവര്‍ത്തകര്‍ ഉറച്ചുനിന്നു. തുടര്‍ന്നാണ്‌ പോലീസും പ്രവര്‍ത്തകരും ഏറ്റുമുട്ടിയത്. അറസ്റ്റ് ചെയ്യാന്‍ എത്തിയ പോലീസ് ജീപ്പിന്റെ താക്കോല്‍ ബിജെപി പ്രവര്‍ത്തകര്‍ ഊരിക്കൊണ്ടുപോയി.
