Kerala
ലഹരി മാഫിയയുടെ ആക്രമണത്തില്‍ യുവാവിന് വെട്ടേറ്റു
തിരുവനന്തപുരം: ലഹരി മാഫിയയുടെ ആക്രമണത്തില്‍ യുവാവിന് വെട്ടേറ്റു. മംഗലപുരം സ്വദേശിയായ നൗഫല്‍ (27) ആണ് ബൈക്കിലെത്തിയ സംഘത്തിന്റെ ആക്രമണത്തിന് ഇരയായത്. സംഭവത്തില്‍ പോലീസ് രണ്ടുപേരെ അറസ്റ്റ് ചെയ്തു. കാപ്പ കേസില്‍ പ്രതികളായ ഷഹീര്‍ കുട്ടന്‍, അഷ്‌റഫ് എന്നിവരെയാണ് പോലീസ് അറസ്റ്റ് ചെയ്തിരിക്കുന്നത്.
ശനിയാഴ്ച വൈകിട്ട് മംഗലപുരം കോറടിയിലാണ് സംഭവം. യുവാവിനെ പിന്തുടര്‍ന്ന് ലഹരി മാഫിയാ സംഘം വെട്ടുകയായിരുന്നു. ആക്രമിച്ചത് കാപ്പാ കേസിലെ പ്രതികളെന്ന് പോലീസ്.
തന്നെ ആക്രമിക്കാന്‍ വരുന്നത് കണ്ട് നൗഫല്‍ സമീപത്തുള്ള കടയിലേക്ക് ഓടിക്കയറിയെങ്കിലും അക്രമികള്‍ പിന്തുടര്‍ന്ന് കടയില്‍ക്കയറി വെട്ടുകയായിരുന്നു. . അക്രമത്തിനുപിന്നില്‍ ലഹരിസംഘമാണോ അതോ മറ്റെന്തെങ്കിലും കാരണങ്ങള്‍ ഉണ്ടോയെന്ന് മംഗലപുരം പോലീസ് പരിശോധിച്ചുവരികയാണ്.