സിനിമയിലെ ലൈംഗിക അതിക്രമങ്ങളുമായി ബന്ധപ്പെട്ട് കൂടുതല്‍ കേസുകള്‍ പോലീസ് രജിസ്റ്റര്‍ ചെയ്തു.
യുവനടിയുടെ പരാതിയിലാണ് നടന്മാരായ ഇടവേള ബാബുവിനും മണിയന്‍പിള്ള രാജുവിനുമെതിരേയാണ് കേസ്. ബലാത്സംഗക്കുറ്റം ചുമത്തിയാണ് കേസെടുത്തത്. സ്ത്രീത്വത്തെ അപമാനിച്ചു, അതിക്രമിച്ച് കയറല്‍ തുടങ്ങിയ വകുപ്പുകളും ചുമത്തിയിട്ടുണ്ട്. നടിയില്‍ നിന്നും പ്രത്യേക അന്വേഷണസംഘം മൊഴി എടുത്തിരുന്നു.
ഫോര്‍ട്ട് കൊച്ചി പോലീസാണ് മണിയന്‍പിള്ള രാജുവിനെതിരേ കേസ് രജിസ്റ്റര്‍ ചെയ്തത്. എറണാകുളം നോര്‍ത്ത് പോലീസാണ് ഇടവേള ബാബുവിനെതിരേ കേസെടുത്തത്.
