Crime
ഒഡിഷയിൽ ദമ്പതികൾ മാവോവാദികളുടെ ആക്രമണത്തിൽ കൊല്ലപ്പെട്ടു
ഫൂൽബാനി: ഒഡിഷയിലെ കന്ധമാൽ ജില്ലയിൽ ദമ്പതികൾ മാവോവാദികളുടെ ആക്രമണത്തിൽ കൊല്ലപ്പെട്ടു. ബിദപദാർ ഗ്രാമത്തിൽ വെള്ളിയാഴ്ച രാത്രി ഒമ്പതിനാണ് സംഭവം.
പോലീസിന് വിവരം ചോർത്തിനൽകുന്നവരാണെന്ന സംശയത്തിൽ ദഹീറ കൻഹാൽ, ഭാര്യ ബതാസി എന്നിവരെ മാവോവാദികൾ സമീപത്തെ കാട്ടിലേക്ക് കൊണ്ടുപോയി. ശനിയാഴ്ച രാവിലെയാണ് മൃതദേഹങ്ങൾ കണ്ടത്. പോലീസ് അന്വേഷണം തുടങ്ങി.