Crime
ആറ് മാസം പ്രായമുള്ള കുഞ്ഞിനെയും കൊണ്ട് അമ്മ 16 നില കെട്ടിടത്തില്‍ നിന്ന് ചാടി; ദാരുണാന്ത്യം
നോയിഡ: ഉത്തര്‍പ്രദേശില്‍ ആറ് മാസം പ്രായമുള്ള മകളേയും കൈയിലെടുത്ത് പതിനാറാം നില അപ്പാര്‍ട്ട്‌മെന്റില്‍ നിന്ന് 33 കാരി ചാടി ആത്മഹത്യ ചെയ്തു. ഗ്രേറ്റര്‍ നോയിഡയയിലാണ് സംഭവം. യുവതിക്ക് വിഷാദ രോഗമുണ്ടായിരുന്നുവെന്നാണ് പൊലീസ് പറയുന്നത്.
ഗ്രേറ്റര്‍ നോയിഡ വെസ്റ്റിലെ ഒരു ഹൗസിംഗ് സൊസൈറ്റിയില്‍ ചൊവ്വാഴ്ച രാത്രിയാണ് സംഭവം. കുടുംബത്തോടൊപ്പമാണ് യുവതി ഇവിടെ താമസിക്കുന്നത്. സംഭവത്തില്‍ പൊലീസ് കേസെടുത്ത് അന്വേഷണം ആരംഭിച്ചു.
നിലവില്‍ കേസില്‍ ആരെയും പ്രതിചേര്‍ത്തിട്ടില്ല. പെണ്‍കുട്ടിയുടെ സഹോദരനാണ് യുവതിക്ക് മാനസികമായ അസ്വാസ്ഥ്യമുണ്ടെന്നും ഏറെ നാളായി വിഷാദ രോഗത്തിലാണെന്നും പൊലീസിനോട് വ്യക്തമാക്കിയത്.