കോഴിക്കോട്: മുനമ്പം വിഷയത്തിൽ സർക്കാർ നിലപാട് നേരത്തെ വ്യക്തമാക്കിയതാണെന്ന് മന്ത്രി വി അബ്ദുറഹിമാൻ. അവിടെ കുടിയൊഴിപ്പിക്കൽ ഒരിക്കലും ഉണ്ടാകില്ലെന്നും ആരോപണം തെറ്റാണെന്നും മന്ത്രി വ്യക്തമാക്കി. കേസുമായി ബന്ധപ്പെട്ട് എന്ത് തീരുമാനം വന്നാലും കുടിയൊഴിപ്പിക്കില്ല. ഇപ്പോൾ രാഷ്ട്രീയ വിഷയമാകുന്നത് എന്തുകൊണ്ടാണെന്ന് ജനങ്ങൾക്ക് അറിയാമെന്നും മന്ത്രി പറഞ്ഞു.
സുരേഷ് ഗോപിയുടെ പ്രസ്താവനയിലും മന്ത്രി പ്രതികരിച്ചു. പ്രശ്നത്തിൽ ഇടപെടാൻ ഇതുവരെ സുരേഷ് ഗോപി തയ്യാറായിട്ടില്ല. ഇപ്പോൾ ഒരു ആക്ഷൻ ഹീറോയെ പോലെ വന്ന് ഇറങ്ങി പറയുന്നത് കേന്ദ്രമന്ത്രിക്ക് ചേർന്നതല്ല. ഇത് തെറ്റായ രീതിയാണ്. സർക്കാർ ചെയ്യേണ്ടതെല്ലാം ചെയ്തുനികുതി സ്വീകരിക്കുന്നതിൽ വിലക്കേർപ്പെടുത്തിയത് സർക്കാരല്ലെന്നും മന്ത്രി കൂട്ടിച്ചേർത്തു.
