Kerala
കേരളത്തിൽ ക്ഷേത്ര സന്ദർശനത്തിന് മോദി
തൃശൂർ: പ്രധാനമന്ത്രി നരേന്ദ്ര മോദി വീണ്ടും കേരളത്തിലെത്തുമ്പോൾ കൂടുതൽ ക്ഷേത്രങ്ങളിൽ സന്ദർശനം നടത്തുമെന്ന് സൂചന. തൃപ്രയാർ ശ്രീരാമസ്വാമി ക്ഷേത്രത്തിൽ പ്രധാനമന്ത്രി നരേന്ദ്ര മോദി ദർശനം നടത്തിയേക്കും. ഗുരുവായൂർ ക്ഷേത്രത്തിൽ നിന്ന് റോഡ് മാർഗം അദ്ദേഹം തൃപ്രയാറിൽ എത്തും.
പ്രധാനമന്ത്രിയുടെ സന്ദർശനത്തിന് മുമ്പായി തൃപ്രയാർ ക്ഷേത്രത്തിൽ പൊലീസ് ഇന്ന് സുരക്ഷാ പരിശോധന നടത്തും. സുരേഷ് ഗോപിയുടെ മകളുടെ വിവാഹത്തിൽ പങ്കെടുക്കാനാണ് മോദി ഗുരുവായൂരിൽ എത്തുന്നത്. കൊച്ചിയിൽ ഉൾപ്പെടെ രണ്ടു ദിവസത്തെ സന്ദർശനമാണ് നരേന്ദ്ര മോദി കേരളത്തിൽ നടത്തുക.