ഭോപ്പാല്‍: രാജ്യത്ത് കോൺഗ്രസ് അധികാരത്തിലെത്തിയാൽ കായിക മേഖലയിലും ന്യൂനപക്ഷങ്ങള്‍ക്ക് കൂടുതല്‍ പ്രാധാന്യം നല്‍കുമെന്ന് പ്രധാനമന്ത്രി നരേന്ദ്രമോദി. മതമാണ് കായികതാരങ്ങളുടെ സ്ഥാനം നിശ്ചയിക്കുകയെന്നും മോദി ആരോപിച്ചു. മധ്യപ്രദേശിലെ തിരഞ്ഞെടുപ്പ് റാലിയിലാണ് പ്രധാനമന്ത്രിയുടെ ആരോപണം.
‘ക്രിക്കറ്റ് ടീമില്‍ ആരുവേണമെന്നും വേണ്ടെന്നും കോൺഗ്രസ് തീരുമാനിക്കും. ഞാന്‍ കോണ്‍ഗ്രസിനോട് ചോദിക്കാന്‍ ആഗ്രഹിക്കുന്നു. നിങ്ങള്‍ ന്യൂനപക്ഷങ്ങള്‍ക്ക് പരിഗണന നല്‍കാന്‍ ആഗ്രഹിക്കുന്നുവെങ്കില്‍ 1947ല്‍ രാജ്യത്തെ എന്തുകൊണ്ട് മൂന്നായി വിഭജിച്ചു? ഈ രാജ്യം മുഴുവന്‍ പാകിസ്താന്‍ ആക്കാനും ഇന്ത്യയെ ഇല്ലാതാക്കാനും കോണ്‍ഗ്രസ് ആഗ്രഹിച്ചിരുന്നു’- മോദി ആരോപിച്ചു.
