തിരുവനന്തപുരം: ബെംഗളൂരുവില്‍ നിന്ന് വിമാനമാർഗ്ഗം എംഡിഎംഎ എത്തിച്ച നാലുപര്‍ പിടിയില്‍. ആറ്റിങ്ങലില്‍ വച്ച്‌ റൂറല്‍ ഡാൻസാഫ് ടീമാണ് ഇവരെ പിടികൂടിയത്. അയിരൂർ സ്വദേശികളായ ഹാർമിൻ, കിഴക്കേപ്പുറം സ്വദേശികളായ അല്‍ അമീൻ (28), ആദിത്യൻ, അല്‍ അമീൻ (21) എന്നിവരാണ് പിടിയിലായത്.
ഹാർമനാണ് ബാംഗ്ലൂരില്‍ നിന്ന് എംഡിഎംഎ എത്തിച്ചത്. മറ്റു മൂന്നുപേർ ഇയാളെ കൂട്ടിക്കൊണ്ടുപോകാൻ എത്തിയതാണ്. രഹസ്യ വിവരത്തിന്റെ അടിസ്ഥാനത്തില്‍ ഇവരുടെ വാഹനം തടഞ്ഞ് പരിശോധിച്ചപ്പോഴാണ് എംഡിഎംഎ കണ്ടെത്തിയത്.
