ആം ആദ്മി പാർട്ടിയുടെ നിർണായക യോഗം ഇന്ന് ചേരും. ദില്ലിയിൽ ചേരുന്ന യോഗത്തിൽ മുഖ്യമന്ത്രി അരവിന്ദ് കെജ്രിവാൾ അധ്യക്ഷത വഹിക്കും. 11. 30ന് അരവിന്ദ് കെജ്രിവാളിന്റെ വസതിയിലാണ് യോഗം. ലോക്സഭ തെരഞ്ഞെടുപ്പുമായി ബന്ധപ്പെട്ട സീറ്റ് വിഭജനം അടക്കമുള്ള കാര്യങ്ങൾ യോഗം ചർച്ച ചെയ്യും.
ഗോവ, ഗുജറാത്ത്, ഹരിയാന എന്നീ സംസ്ഥാനങ്ങളിലെ ലോക്സഭ സ്ഥാനാർത്ഥി നിർണയ ചർച്ചകൾ യോഗത്തിൽ ഉണ്ടാകും. അസമിൽ മൂന്നു സ്ഥാനാർത്ഥികളെയും ഗുജറാത്തിൽ ഒരു സ്ഥാനാർത്ഥിയെയും ആം ആദ്മി ഇതിനൊടകം പ്രഖ്യാപിച്ചിട്ടുണ്ട്. ദില്ലി മദ്യനയ കേസുമായി ബന്ധപ്പെട്ട കെജ്രിവാളിനെതിരായ നടപടിയും യോഗത്തിൽ ചർച്ചയാകും.
