പാലക്കാട്: ലോക്സഭാ തെരഞ്ഞെടുപ്പ് ഫലം പുറത്തുവന്നതിന് പിന്നാലെ പാലക്കാട് യുഡിഎഫ്- എൽഡിഎഫ് പ്രവർത്തകർ തമ്മിൽ സംഘർഷം. സിപിഎം ജില്ലാ കമ്മിറ്റി ഓഫീസിന് മുന്നിൽ നടത്തിയ യുഡിഎഫിന്റെ വിജയാഹ്ലാദമാണ് പിന്നീട് സംഘർഷത്തിലേക്ക് തിരിഞ്ഞത്.
ഓഫീസിന്റെ മുന്നിലിട്ട് യുഡിഎഫ് പടക്കം പൊട്ടിച്ചത് സിപിഎം പ്രവർത്തകരെ പ്രകോപിപ്പിക്കുകയായിരുന്നു. പിന്നീട് സംഭവ സ്ഥലത്തെത്തിയ പൊലീസ് ഇരുവിഭാഗത്തെ പ്രവർത്തകരെയും പിടിച്ചു മാറ്റുകയായിരുന്നു. എന്നാൽ യുഡിഎഫ് പ്രവർത്തകർ സിപിഎം ജില്ലാ കമ്മിറ്റി ഓഫീസിൽ മുന്നിൽ തന്നെ തുടരുകയാണ്.
