Politics
വിജയസാധ്യത കുറവുള്ള മണ്ഡലമായിരുന്നെങ്കിൽ ഉറപ്പായും എന്നെ പരിഗണിച്ചേനെ; അതൃപ്തി പരസ്യമാക്കി കെ മുരളീധരൻ
തിരുവനന്തപുരം: പാലക്കാട് നിയമസഭാ ഉപതിരഞ്ഞെടുപ്പിൽ തന്നെ സ്ഥാനാർത്ഥിയായി ആവശ്യപ്പെട്ടുകൊണ്ടുള്ള കത്തിൽ പ്രതികരണവുമായി കെ മുരളീധരൻ. വിജയ സാധ്യത കുറവുള്ള മണ്ഡലമായിരുന്നെങ്കിൽ ഉറപ്പായും തന്നെ പരിഗണിച്ചേനെ എന്നായിരുന്നു മുരളീധരന്റെ പ്രതികരണം.
പാലക്കാട് കോൺഗ്രസിന് 100% വിജയം ഉറപ്പുള്ള മണ്ഡലമാണെന്നും മുരളീധരൻ പറഞ്ഞു. കത്ത് തനിക്ക് വാട്സാപ്പിൽ ലഭിച്ചിരുന്നുവെന്നും കത്തിനെക്കുറിച്ച് ഇപ്പോൾ പറയുന്നതിൽ പ്രസക്തിയേയില്ലെന്നും പറഞ്ഞ മുരളീധരൻ പാലക്കാട് തന്റെ സ്ഥാനാർഥിത്വം ആഗ്രഹിച്ചുവെന്നുള്ളത് അംഗീകാരമാണെന്നും പറഞ്ഞു.