Kerala
കേരള സ്റ്റോറി മുഴുവന്‍ മലയാളികളും കാണേണ്ട ചിത്രം: തുഷാര്‍ വെള്ളാപ്പള്ളി
കോട്ടയം: ‘കേരള സ്റ്റോറി’ ലോകത്തുള്ള മുഴുവന്‍ മലയാളികളും കാണേണ്ട ചലച്ചിത്രമാണെന്ന് ബിഡിജെഎസ് അധ്യക്ഷനും എന്‍ഡിഎ കോട്ടയം ലോക്‌സഭാ മണ്ഡലം സ്ഥാനാര്‍ഥിയുമായ തുഷാര്‍ വെള്ളാപ്പള്ളി.
മുന്‍മന്ത്രി കെ എം മാണിയുടെ അഞ്ചാം ചരമവാര്‍ഷികത്തോടനുബന്ധിച്ച് അദ്ദേഹത്തിന്റെ സ്മൃതി മണ്ഡപത്തില്‍ പുഷ്പാര്‍ച്ചന നടത്തിയതിനു ശേഷം മാധ്യമങ്ങളോട് സംസാരിക്കുകയായിരുന്നു തുഷാര്‍.
ലൗ ജിഹാദ് യാഥാര്‍ഥ്യമെന്നും കേരള സ്റ്റോറി കാണിക്കുന്നതില്‍ തെറ്റില്ലെന്നും അദ്ദേഹം പറഞ്ഞു ‘സമൂഹത്തില്‍ നടക്കുന്നത് എന്താണെന്ന് കുട്ടികള്‍ കൂടി അറിയട്ടെ. മുസ്ലിം സഹോദരങ്ങളും ഇങ്ങനെയുള്ള ചില ആളുകളുടെ പ്രവര്‍ത്തി അംഗീകരിക്കുന്നില്ല. മുസ്ലിം വിഭാഗത്തിലെ വളരെ ചെറിയൊരു വിഭാഗം ആളുകള്‍ ചെയ്യുന്ന തെറ്റിന്റെ പേരില്‍ ആ സമൂഹത്തിലുള്ള മുഴുവന്‍ ആളുകളും കുറ്റപ്പെടുത്തേണ്ട ആവശ്യമില്ല’ അദ്ദേഹം പറഞ്ഞു.