കാസര്‍കോട്: കുന്നിടിച്ച് റോഡിന്റെ വീതി കൂട്ടുന്നതിനിടെ സര്‍വീസ് റോഡ് ഇടിഞ്ഞുതാഴ്ന്നു. ഇതേതുടർന്ന്, കാസർകോട് ദേശീയപാതയോരത്ത് മണ്ണിടിച്ചിൽ ഉണ്ടായി. ഇതേപോലെ മുൻപും മണ്ണെടുത്ത ഭാഗത്ത് വിള്ളല്‍ പോലുള്ള സമാനമായ സംഭവം ഉണ്ടായിട്ടുണ്ട്. ആ സാഹചര്യത്തിൽ ഇതുവഴിയുള്ള ഗതാഗതം നിരോധിച്ചിരുന്നതും ആയിരുന്നു.
ദേശീയ പാത 66 ല്‍ കുണ്ടടുക്കത്താണ് പുതിയ മണ്ണിടിച്ചില്‍. കുന്നിടിച്ച് റോഡ് വീതി കൂട്ടുന്നതിനിടെയാണ് സര്‍വീസ് റോഡ് ഇടിഞ്ഞു താണത്. ഇതോടെ നിരവധി കുടുംബങ്ങള്‍ ഒറ്റപ്പെട്ട നിലയിലായി. നേരത്തെ ഈ പ്രദേശത്ത് മണ്ണെടുത്ത ഭാഗത്ത് വിള്ളല്‍ ഉണ്ടായിരുന്നു. ഇത് പരിശോധിച്ച് നടപടി തുടരുന്നതിനിടെയാണ് മണ്ണിടിച്ചിലുണ്ടായത്.
വലിയ തോതില്‍ മണ്ണ് അശാസ്ത്രീയമായി നീക്കിയതാണ് മണ്ണിടിച്ചിലിന് കാരണമെന്നാണ് നാട്ടുകാര്‍ പറയുന്നത്.
