Politics
പിവി അൻവറിനെ പൂർണമായും തള്ളി കെടി ജലീൽ
നിലമ്പൂർ എംഎൽഎ പിവി അൻവറിനെ പൂർണമായും തള്ളി കെടി ജലീൽ. എല്ലാക്കാലവും താൻ ഇടതുപക്ഷത്തിന് ഒപ്പമാണെന്നും സിപിഎം സഹയാത്രികനായി തുടരുമെന്നും എന്ന് അദ്ദേഹം വളാഞ്ചേരിയിൽ നടത്തിയ വാർത്താസമ്മേളനത്തിൽ വ്യക്തമാക്കി. വെടിവച്ചു കൊന്നാലും മുഖ്യമന്ത്രിയേയും പാർട്ടിയേയും തളളിപ്പറയുകയില്ല. താൻ ഒരിക്കലും നന്ദികേട് കാണിക്കില്ലെന്നും തവന്നൂർ എംഎൽഎ പറഞ്ഞു.
ഇടതുപക്ഷത്തെ ബിജെപി അനുകൂലികളാക്കാൻ ആണ് ശ്രമം നടക്കുന്നത്. പിണറായിയേയും പാർട്ടിയേയും തള്ളിപ്പറഞ്ഞാൽ വന്നാൽ ഒരു വിഭാഗം സംശയത്തിൻ്റെ നിഴലിൽ നിർത്തപ്പെടും. അത് കേരളത്തെ വലിയ വർഗീയ ധ്രുവീകരണത്തിലേക്ക് നയിക്കും. അങ്ങനെ ഒരു പാതകം ഉണ്ടായിക്കൂടായെന്നും ഇടത് സ്വതന്ത്ര എംഎൽഎ പറഞ്ഞു.
പിവി അന്‍വര്‍ പോലീസ് ഉന്നതരെ കുറിച്ച് പറഞ്ഞ ചില കാര്യങ്ങളില്‍ ശരികള്‍ ഉണ്ടെന്ന് താന്‍ ഫെയ്‌സ്ബുക്കില്‍ കുറിച്ചിരുന്നു. പക്ഷേ, പോലീസ് സേനയില്‍ മൊത്തം പ്രശ്‌നമുണ്ടെന്ന് അന്‍വര്‍ പറഞ്ഞിട്ടില്ല. താൻ്റെ അഭിപ്രായവും വിമര്‍ശനവും തുറന്നു പറയും.എന്നാൽ ഈ വിഷയത്തിൽഅന്‍വറിനെ സഹായിക്കുന്ന നിലപാട് എടുത്തിട്ടില്ലെന്നും ജലീൽ പറഞ്ഞു.