Crime
ഹിസ്ബുള്ളയെ ലക്ഷ്യമാക്കി ഇസ്രയേല്‍ വ്യോമാക്രമണം; ലബനനില്‍ 52 മരണം
ലബനനിൽ വീണ്ടും ഇസ്രയേൽ വ്യോമാക്രമണം. തലസ്ഥാനമായ ബെയ്‌റൂട്ടിലും മറ്റ് ഭാഗങ്ങളിലുമാണ് ആക്രമണം നടന്നത്. വിവിധ ഇടങ്ങളിലായി 52 പേർ മരിച്ചു.
നിരവധി പേർക്ക് പരിക്കേറ്റു. കിഴക്കൻ പ്രദേശമായ ബേക താഴ്വരയിൽ മാത്രം 40 പേര്‍ കൊല്ലപ്പെട്ടിട്ടുണ്ട്. തെക്കന്‍ ഇസ്രയേലില്‍ ഹിസ്ബുള്ള നടത്തുന്ന മിസൈല്‍ ആക്രമണങ്ങള്‍ക്ക് മറുപടിയായാണ്‌ ഇസ്രയേല്‍ ആക്രമണം.
നാബയിലും മാക്നെഹിലും നബാടിയേഹിലും നിരവധി മരണങ്ങള്‍ റിപ്പോര്‍ട്ട് ചെയ്തിട്ടുണ്ട്. ഹിസ്ബുള്ള കേന്ദ്രങ്ങൾ ലക്ഷ്യമിട്ടാണ് ആക്രമണം നടത്തിയതെന്ന് ഇസ്രയേൽ സേന അറിയിച്ചു.