India
ഇസ്രയേല്‍ ഇന്നലെ നടത്തിയ ആക്രമണത്തിന് തല്‍ക്കാലം ഇറാന്റെ തിരിച്ചടിയില്ലെന്ന് സൂചന
ഒക്ടോബര്‍ ഒന്നിന്റെ ആക്രമണത്തിന് തിരിച്ചടിയായി ഇസ്രയേല്‍ ഇന്നലെ നടത്തിയ ആക്രമണത്തിന് തല്‍ക്കാലം ഇറാന്റെ തിരിച്ചടിയില്ലെന്ന് സൂചനകള്‍. ഗാസ, ലബനന്‍ ആക്രമണങ്ങള്‍ വീണ്ടും കടുക്കുമെന്ന വിലയിരുത്തലിലാണ് തീരുമാനം.
നൂറോളം ഫൈറ്റര്‍ ജറ്റുകള്‍ ഇറക്കി ഇറാനിലെ 20 ലക്ഷ്യങ്ങളാണ് ഇസ്രയേല്‍ തകര്‍ത്തത്. എന്നാല്‍ ആണവ-എണ്ണ നിലയങ്ങളെ ഒഴിവാക്കുകയും ചെയ്തു. ആക്രമണത്തില്‍ നാല് സൈനികര്‍ കൊല്ലപ്പെട്ടെന്ന് ഇറാന്‍ വ്യക്തമാക്കിയിട്ടുണ്ട്. ഈ ആക്രമണം അമേരിക്കയുടെ അറിവോടെയുമാണ്‌.