ടെഹ്‌റാൻ: ഇറാന് കനത്ത തിരിച്ചടി നൽകി ഇസ്രായേൽ. സൈനിക കേന്ദ്രങ്ങളെ ലക്ഷ്യമിട്ട് വ്യോമ ആക്രമണം നടത്തി. തലസ്ഥാനമായ ടെഹ്‌റാനിൽ സ്‌ഫോടനം നടത്തിയതായി ഇസ്രായേൽ അറിയിച്ചു.
ടെഹ്‌റാൻ അന്താരാഷ്‌ട്ര വിമാനത്താവളത്തിന് സമീപത്തും സ്‌ഫോടനമുണ്ടായി. ഇറാന്റെ ഭാഗത്ത് നിന്നുള്ള തുടർച്ചയായ പ്രകോപനത്തിനുള്ള മറുപടിയാണിതെന്ന് ഇസ്രായേൽ വ്യക്തമാക്കി. 7 തവണ ഉഗ്രസ്‌ഫോടനങ്ങൾ നടത്തിയതായും ഇസ്രാസേൽ സൈന്യം എക്‌സിലൂടെ അറിയിച്ചു.
ഒക്ടോബറിലാണ് ഇസ്രായേലിന് നേരെ ഇറാൻ വ്യോമാക്രമണം നടത്തിയത്. ഇതിന് കനത്ത തിരിച്ചടി നൽകുമെന്ന് ഇസ്രായേൽ അറിയിച്ചിരുന്നു. 25 ദിവസങ്ങൾ പിന്നിടുമ്പോൾ ഇറാന് വ്യോമാക്രമണത്തിലൂടെ ഇസ്രായേൽ മറുപടി നൽകിയിരിക്കുകയാണ്.
