Kerala
മൂവാറ്റുപുഴയിൽ ബന്ധുക്കൾ തമ്മിൽ വെടിവയ്പ്പ്; ഒരാളുടെ നില ഗുരുതരം
മൂവാറ്റുപുഴയിൽ തർക്കത്തിനിടയിൽ വെടിവയ്പ്പ്. കടാതി സ്വദേശി നവീനെ ബന്ധുവായ കിഷോറാണ് വെടിവച്ചത്. ഇന്ന് പുലർച്ചയോടെയാണ് സംഭവം.
ഇരുവരും ജ്യേഷ്ഠാനുജത്തിമാരുടെ മക്കളാണ്. വയറിന് വെടിയേറ്റ നവീനെ എറണാകുളത്തെ സ്വകാര്യ ആശുപത്രിയിൽ പ്രവേശിപ്പിച്ചു. പരുക്ക് ഗുരുതരമാണെന്നും ശസ്ത്രക്രിയ വേണമെന്നുമാണ് വിവരം.
മദ്യപാനത്തിനിടയിൽ ഇരുവരും തമ്മിൽ വഴക്കുണ്ടാവുന്നത് പതിവാണെന്ന് അയൽവാസികൾ പറയുന്നു. തോക്കിന് ലൈസൻസുണ്ട്. കൂടുതൽ അന്വേഷണം നടക്കുകയാണെന്ന് മൂവാറ്റുപുഴ പോലീസ് അറിയിച്ചു.