ഹമാസ് മേധാവി യഹ്യ സിന്‍വറിനെ വധിച്ചതിന് ശേഷവും ഇസ്രയേല്‍ ആക്രമണം തുടരുന്നു. ഗാസയിൽ ഇസ്രയേൽ നടത്തിയ വ്യോമാക്രമണത്തിൽ 33 പേർ മരിച്ചു. മരിച്ചവരിൽ 21 പേർ സ്ത്രീകളാണ്. 85 പേർക്ക് പരുക്കേറ്റു.
വടക്കൻ ഗാസയിലുള്ള ജബാലിയയിലാണ് ഇസ്രയേലിന്‍റെ വ്യോമാക്രമണം. വ്യോമാക്രമണത്തിൽ നിരവധി വീടുകളും കെട്ടിടങ്ങളും തകർന്നു. മരണസംഖ്യ ഇനിയും ഉയരാൻ സാധ്യതയുണ്ടെന്നാണ് റിപ്പോർട്ട്. ഗാസയുടെ വടക്കൻ ഭാഗത്ത് ഇസ്രയേൽ സൈന്യം കര ആക്രമണം ശക്തമാക്കിയിട്ടുണ്ട്. ടാങ്കുകൾ ജബാലിയയില്‍ എത്തിയിട്ടുണ്ട്.
