Kerala
റസ്റ്റോറന്റുകളുടെ റേറ്റിങ് പ്രൊമോഷന്‍, ഉയര്‍ന്ന കമ്മീഷന്‍ ഓഫര്‍;ലക്ഷങ്ങള്‍ തട്ടിയ മലയാളി പിടിയില്‍
കൊച്ചി: ഓണ്‍ലൈനില്‍ റസ്റ്റോറന്റുകളുടെ റേറ്റിങ് പ്രൊമോഷന്‍ ജോലി വഴി ഉയര്‍ന്ന കമ്മിഷന്‍ നല്‍കാമെന്ന് വാഗ്ദാനം ചെയ്ത് കൊച്ചി സ്വദേശികളായ ദമ്പതിമാരില്‍നിന്ന് ലക്ഷങ്ങള്‍ തട്ടിയ കേസില്‍ മലയാളി പിടിയില്‍. തൃശ്ശൂര്‍ പഴുവില്‍ വെസ്റ്റ് എസ്എന്‍ റോഡ് പുഴങ്കരയില്ലത്ത് വിട്ടില്‍ പി വൈ ഷാഫിയെയാണ് കൊച്ചി സിറ്റി സൈബര്‍ പൊലീസ് അറസ്റ്റുചെയ്തത്. സാമൂഹിക മാധ്യമ അക്കൗണ്ടുകള്‍ വഴി ഇടപാടുകാരെ ബന്ധപ്പെട്ട് പ്രൊമോഷന്‍ ടാസ്‌കുകള്‍ നല്‍കി അതുവഴി ലക്ഷക്കണക്കിനു രൂപ തട്ടിയതായി പൊലീസ് പറയുന്നു.