India
ത്രിപുര വെള്ളപ്പൊക്കം: മരണസംഖ്യ 24 ആയി, ഒരു ലക്ഷത്തിലധികം പേർക്ക് വീട് നഷ്ടപ്പെട്ടു
അഗർത്തല: കഴിഞ്ഞ ഒരാഴ്ചയ്ക്കിടെ പെയ്ത കനത്ത മഴയിലും വെള്ളപ്പൊക്കത്തിലും ത്രിപുരയിൽ മരണസംഖ്യ 24 ആയി. രണ്ട് പേരെ കാണാതായതായാണ് റിപ്പോർട്ട്. 1.28 ലക്ഷത്തോളം പേർക്കാണ് വീട് നഷ്ടമായത്. ഓഗസ്റ്റ് 19 മുതൽ ഭവനരഹിതർക്കായി സർക്കാർ 558 ദുരിതാശ്വാസ ക്യാമ്പുകൾ സജ്ജമാക്കിയതായി സംസ്ഥാന റവന്യൂ സെക്രട്ടറി ബ്രിജേഷ് പാണ്ഡെ പറഞ്ഞു. കഴിഞ്ഞ 24 മണിക്കൂറിനുള്ളിൽ മഴ കുറഞ്ഞതിനാൽ സംസ്ഥാനത്ത് വെള്ളക്കെട്ട് കുറഞ്ഞെന്ന് ഉദ്യോഗസ്ഥർ പറഞ്ഞു.