വിതുര -ബോണക്കാട് റോഡിൽ കാട്ടാന കൂട്ടവും കാട്ടുപോത്ത് കൂട്ടവും ഇറങ്ങി.രണ്ട് ദിവസമായി കാട്ടുപോത്ത്- കാട്ടാന കൂട്ടം ഇവിടെ ഇറങ്ങുന്നത് പതിവാണ്.
ഇന്ന് രാവിലെയാണ് കുട്ടികൾക്ക് ഒപ്പം നാലോളം കാട്ടാന ബോണക്കാട് ചെക്ക്പോസ്റ്റിന് മുകളിലത്തെ വളവിൽ റോഡിലൂടെ പോകുന്നത് വഴിയാത്രക്കാർ കാണുന്നത്.
ഇന്നലെ വൈകിട്ട് സമാന രീതിയിൽ കാട്ടുപോത്തിൻ്റെ കൂട്ടം റോഡിൽ നിൽക്കുന്നതും ചിലർ കണ്ടിരിന്നു. ഇപ്പോൾ മലയോര മേഖലയിൽ ചെറിയ ചെറിയ തോതിൽ മഴ പെയ്യുന്നതുകൊണ്ടാണ് കാട്ടാന ജനവാസ മേഖവകളിലേക്കടക്കം ഇറങ്ങുന്നതെന്നാണ് നിഗമനം.ഈ ഭാഗത്ത് കാട്ടുപോത്തും കാട്ടാനയും എത്തുന്നത് സ്ഥിരമാണെന്നാണ് പ്രദേശവാസികൾ അടക്കം പറയുന്നത്.
