ആ​റാം​ഘ​ട്ടത്തിന് കൊട്ടിക്കലാശമായി; ഇന്ന് നിശബ്ദ പ്രചാരണം; നാളെ 58 മ​ണ്ഡ​ല​ങ്ങള്‍ ബൂത്തിലേക്ക്

​ഡ​ൽ​ഹി: ലോ​ക്സ​ഭ തെ​ര​ഞ്ഞെ​ടു​പ്പി​ന്‍റെ ആ​റാം​ഘ​ട്ട പ​ര​സ്യ പ്ര​ചാ​ര​ണത്തിന് ഇന്നലെ കൊട്ടിക്കലാശമായി. ഇന്ന് നിശബ്ദ പ്രചാരണമാണ്. നാളെ 58 മ​ണ്ഡ​ല​ങ്ങള്‍ ബൂത്തിലേക്ക് നീങ്ങും. 58 ലോക്‌സഭാ മണ്ഡലങ്ങളില്‍ നിന്നായി 889 സ്ഥാനാര്‍ഥികളാണ് ഈ ഘട്ടത്തില്‍ ജനവിധി തേടുന്നത്.

ഡ​ൽ​ഹി​യി​ലും ആ​റ് സം​സ്ഥാ​ന​ങ്ങ​ളി​ലു​മാ​ണ് തെ​ര​ഞ്ഞെ​ടു​പ്പ് ന​ട​ക്കു​ന്ന​ത്. ഹ​രി​യാ​ന​യി​ലെ പ​ത്ത് മ​ണ്ഡ​ല​ങ്ങ​ളും പ​ശ്ചി​മ ബം​ഗാ​ളി​ലെ ഏ​ഴ് മ​ണ്ഡ​ല​ങ്ങ​ളും ഇ​തി​ൽ ഉ​ൾ​പ്പെ​ടും. യു​പി​യി​ലെ 14 മ​ണ്ഡ​ല​ങ്ങ​ളും ഡ​ൽ​ഹി​യി​ലെ ഏ​ഴ് മ​ണ്ഡ​ല​ങ്ങ​ളിലേ​ക്കും ആ​റാം​ഘ​ട്ട​ത്തി​ൽ തെ​ര​ഞ്ഞെ​ടു​പ്പ് ന​ട​ക്കു​ന്നു​ണ്ട്. മേ​ന​കാ ഗാ​ന്ധി, ക​ന​യ്യ​കു​മാ​ർ, സു​ഷ​മ സ്വ​രാ​ജി​ന്‍റെ മ​ക​ൾ ബാ​ൻ സു​രി അ​ട​ക്ക​മു​ള്ള പ്ര​മു​ഖ സ്ഥാ​നാ​ർ​ഥി​ക​ൾ ഈ ​ഘ​ട്ട​ത്തി​ലാ​ണ് ജ​ന​വി​ധി തേ​ടു​ന്ന​ത്.

മുന്നണികളുടെ പ്രമുഖ നേതാക്കളാണ് ഇന്നലെ പ്രചാരണം കൊഴുപ്പിച്ചത്. ബിജെപി ദേശീയ അധ്യക്ഷന്‍ ജെ.പി.നഡ്ഡ,യുപി മുഖ്യമന്ത്രി യോഗി ആദിത്യനാഥ്, അസം മുഖ്യമന്ത്രി ഹിമന്ത ബിശ്വശര്‍മ എന്നിവര്‍ ഒഡിഷയിലെ വിവിധ തിരഞ്ഞെടുപ്പ് റാലികളെ അഭിസംബോധന ചെയ്തു. പ്രധാനമന്ത്രി മോദി പഞ്ചാബിലെ തിരഞ്ഞെടുപ്പ് റാലിയിലായിരുന്നു. നോര്‍ത്ത് ഈസ്റ്റ് ഡല്‍ഹിയിലാണ് കോണ്‍ഗ്രസ് നേതാവ് രാഹുല്‍ ഗാന്ധി തിരഞ്ഞെടുപ്പ് റാലിയെ അഭിസംബോധന ചെയ്തത്. കേന്ദ്രമന്ത്രിമാരായ രാജ്നാഥ് സിംഗ്, പിയൂഷ് ഗോയല്‍, സ്മൃതി ഇറാനി, രാജസ്ഥാന്‍ മുഖ്യമന്ത്രി ഭജന്‍ലാല്‍ ശര്‍മ തുടങ്ങിയവര്‍ ഡല്‍ഹിയില്‍ ബി ജെ പി സ്ഥാനാര്‍ഥികള്‍ക്ക് വേണ്ടി പ്രചാരണം നടത്തി.