Kerala
ആലപ്പുഴയിൽ നിർത്തിയിട്ടിരുന്ന കാറിൽ 45കാരൻ മരിച്ച നിലയിൽ
ആലപ്പുഴ: പൂച്ചാക്കലില്‍ നിര്‍ത്തിയിട്ടിരുന്ന കാറില്‍ 45കാരനെ മരിച്ച നിലയില്‍ കണ്ടെത്തി. തൈക്കാട്ടുശേരി സ്വദേശി ജോസി ആന്റണിയെയാണ് മരിച്ച നിലയില്‍ കണ്ടെത്തിയത്.
ഇദ്ദേഹത്തിന് ഒപ്പമുണ്ടായിരുന്ന സുഹൃത്ത് പുന്നംപൊഴി സ്വദേശി മനോജി(55)നെ അവശനിലയില്‍ കണ്ടെത്തി.
ഇന്നലെ വൈകിട്ട് ആറ് മണിയോടെ മണിയാതൃക്കല്‍ കവലയ്ക്ക് സമീപമാണ് സംഭവം. ഉച്ച മുതല്‍ സ്ഥലത്ത് കാര്‍ പാര്‍ക്ക് ചെയ്തിരുന്നു. സംശയം തോന്നിയ നാട്ടുകാരും ഓട്ടോ ഡ്രൈവര്‍മാരും ജനപ്രതിനിധികളേയും പൊലീസിനേയും വിവരം അറിയിക്കുകയായിരുന്നു. ഉടന്‍ തന്നെ പൊലീസ് സ്ഥലത്തെത്തി.