ന്യൂഡല്‍ഹി: സിഎസ്‌ഐആര്‍-യുജിസി നെറ്റ് പരീക്ഷാ പേപ്പര്‍ ചോര്‍ന്നതായി ആരോപണം. ചോദ്യപേപ്പര്‍ ഡാര്‍ക്ക് വെബില്‍ ചോര്‍ന്നെന്നാണ് റിപ്പോർട്ട്. ജൂണ്‍ 25, 26, 27 തീയതികളിലായി നടക്കേണ്ടിയിരുന്ന പരീക്ഷ മാറ്റിയത് ചോദ്യപേപ്പര്‍ ചോർന്ന സാഹചര്യത്തിലാണെന്ന ആരോപണം ഉയര്‍ന്നു. ഇന്നലെയാണ് കേന്ദ്ര വിദ്യാഭ്യാസ മന്ത്രി ധര്‍മേന്ദ്ര പ്രധാന്‍, യുജിസി ചെയര്‍മാന്‍ എം ജഗദീഷ് കുമാര്‍, കാബിനറ്റ് സെക്രട്ടറി രാജീവ് ഗൗ ബ എന്നിവര്‍ പങ്കെടുത്ത മാരത്തണ്‍ യോഗത്തിന് ശേഷം പരീക്ഷ മാറ്റിവെക്കാനുള്ള തീരുമാനം സ്വീകരിച്ചത്.
