പശ്ചിമബംഗാളില്‍ ട്രോളി ബാഗില്‍ മൃതദേഹവുമായെത്തിയ യുവതികള്‍ പിടിയില്‍.
മധ്യംഗ്രാമില്‍ പ്രദേശവാസികളാണ് സ്ത്രീകള്‍ മൃതദേഹം ബാഗിലാക്കി ഉപേക്ഷിക്കാന്‍ വന്നത് ശ്രദ്ധിക്കുകയും ഇവരെ കൈയ്യോടെ പിടികൂടുകയുമായിരുന്നു. നോര്‍ത്ത് 24 പര്‍ഗാന ജില്ലയിലെ ഖുമര്‍ദുളി ഘട്ടിന് സമീപം ഹൂഗ്ലി നദിയില്‍ ശരീരം തള്ളാനായിരുന്നു ഇവരുടെ ശ്രമം. ചൊവ്വാഴ്ച രാവിലെയാണ് സംഭവം.
സുമിതാ ഘോഷ് എന്ന യുവതിയാണ് കൊല്ലപ്പെട്ടതെന്നാണ് വിവരം. പ്രദേശവാസികള്‍ സംശയത്തെ തുടര്‍ന്ന് ബാഗ് തുറക്കാന്‍ സ്ത്രീകളോട് ആവശ്യപ്പെട്ടു. പിന്നാലെയാണ് സാരിയില്‍ പൊതിഞ്ഞ നിലയില്‍ മൃതദേഹം കണ്ടത്.
