Crime
തലയിലൂടെ പെട്രോളൊഴിച്ച് തീ കൊളുത്തി യുവാവ്; ചികിത്സിക്കാതെ തറയില്‍ കിടത്തി തിരുവനന്തപുരം മെഡിക്കൽ കോളേജ്
തിരുവനന്തപുരം: ആത്മഹത്യയ്ക്ക് ശ്രമിച്ച പൊള്ളലേറ്റെത്തിയ രോഗിയെ ചികിത്സിക്കാതെ തിരുവനന്തപുരം മെഡിക്കല്‍ കോളേജ്. കരകുളം സ്വദേശി ബൈജു ആണ് ആത്മഹത്യയ്ക്ക് ശ്രമിച്ചത്. റോഡരികില്‍ മണ്ണെണ്ണ ഒഴിച്ച് ആത്മഹത്യ ചെയ്യാന്‍ ശ്രമിച്ചതായിരുന്നു. തിരുവനന്തപുരം പൂജപ്പുരയില്‍ ഇന്ന് വൈകിട്ടോടെയായിരുന്നു സംഭവം.
പൂജപ്പുര റസ്‌ക്യൂ ഹോമില്‍ താമസിച്ചിരിക്കുന്ന ഭാര്യയെ കാണാന്‍ കുട്ടികളുമായി എത്തിയപ്പോഴാണ് ആത്മഹത്യയ്ക്ക് ശ്രമിച്ചത്. ഇയാളെ ആശുപത്രിയിലെത്തിച്ചപ്പോഴാണ് ചികിത്സിക്കാതെ തറയില്‍ കിടത്തിയത്. രോഗി തറയില്‍ കിടക്കുന്ന ദൃശ്യങ്ങള്‍ റിപ്പോര്‍ട്ടര്‍ ചാനലിന് ലഭിച്ചു.