അമേരിക്കയിൽ ഇന്ത്യക്കാരനായ എംബിഎ വിദ്യാര്‍ഥി വെടിയേറ്റു മരിച്ചു. തെലങ്കാനയിലെ ഖമ്മം ജില്ലയില്‍ നിന്നുള്ള വിദ്യാര്‍ഥിയാണ് യു.എസിലെ പെട്രോള്‍ പമ്പില്‍ വെടിയേറ്റു മരിച്ചത്. എം.ബി.എ വിദ്യാര്‍ഥിയായ സായ് തേജ (22) ആണ് ചിക്കാഗോയിലെ പെട്രോള്‍ പമ്പില്‍ വെടിയേറ്റു മരിച്ചത്. ഇന്ത്യയില്‍ ബി.ബി.എ പൂര്‍ത്തിയാക്കിയ ശേഷം എം.ബി.എ പഠനത്തിനായാണ് യു.എസില്‍ എത്തിയത്.
ജോലി ആവശ്യത്തിനുവേണ്ടി പുറത്തുപോയ സുഹൃത്തിനെ സഹായിക്കാനായി അധികജോലി ചെയ്യുന്ന നേരത്താണു പമ്പിലെത്തിയ അക്രമികള്‍ വെടിയുതിര്‍ത്തത്. പഠനത്തിനായി ചിക്കാഗോയിലെത്തിയ സായ് തേജ പാര്‍ട്ട് ടൈമായി ജോലി ചെയ്യുകയായിരുന്നു.
