കേന്ദ്ര മന്ത്രി സുരേഷ് ഗോപിയുടെ ഒറ്റത്തന്ത പരാമർശത്തിന് മറുപടിയുമായി സിപിഎം സംസ്ഥാന സെക്രട്ടറി എംവി ഗോവിന്ദൻ. ബിജെപി നേതാവിൻ്റെ പരാമർശത്തോട് മറുപടി പറയുന്നില്ല. തന്തയ്ക്ക് പറയുമ്പോൾ തന്തയുടെ തന്തയ്ക്കാണ് തിരിച്ചു പറയേണ്ടതെന്നും ഗോവിന്ദൻ പറഞ്ഞു. അത് പ്രതിപക്ഷ നേതാവ് വിഡി സതീശൻ പറഞ്ഞാൽ മതി. താൻ അതിന് മറുപടി പറയുന്നില്ലെന്നും അദ്ദേഹം കൂട്ടിച്ചേർത്തു.
തൃശൂർ പൂരം കലക്കിയതുപോലെ കല്പാത്തി രഥോത്സവം കലക്കാൻ ഒരു തരത്തിലും സമ്മതിക്കില്ല. ഇ ശ്രീധരന് കിട്ടിയ വോട്ട് ഇത്തവണ ബിജെപിക്ക് പാക്കോട് കിട്ടില്ല. അവർ മൂന്നാമതാകും. അതിൽ സംശയം വേണ്ട. എൽഡിഎഫും കോൺഗ്രസും തമ്മിലാണ് മത്സരം. എന്നാൽ കഴിഞ്ഞ തവണ ഷാഫിക്ക് കിട്ടിയ വോട്ട് രാഹുലിനും കിട്ടില്ല. സരിൻ മികച്ച മുന്നേറ്റമാണ് നടത്തുന്നത്. വിജയിക്കുമെന്നതിൽ തർക്കമില്ലെന്നും സിപിഎം സംസ്ഥാന സെക്രട്ടറി പറഞ്ഞു.
