മുംബൈ: മഹാരാഷ്ട്ര ദിന്‍ഡോരി ലോക്‌സഭ മണ്ഡലത്തിലെ സിപിഎം സ്ഥാനാര്‍ത്ഥി പിന്മാറി. കര്‍ഷകര്‍ക്കും തൊഴിലാളികള്‍ക്കുമിടയില്‍ സ്വാധീനമുള്ള മുന്‍ എംഎല്‍എ ജെപി ഗാവിത് ആണ് മത്സരത്തില്‍ നിന്നും പിന്മാറിയത്. ഇന്ത്യ സഖ്യത്തിന് പിന്തുണ പ്രഖ്യാപിച്ചാണ് പിന്മാറ്റം.
മണ്ഡലത്തില്‍ ഇന്ത്യ മുന്നണിയുടെ ഭാഗമായി എന്‍സിപി ശരദ് പവാര്‍ വിഭാഗം സ്ഥാനാര്‍ത്ഥിയായി ഭാസ്‌കര്‍ ഗോരെയാണ് മത്സരിക്കുന്നത്. പത്രിക നല്‍കി പ്രചാരണം തുടങ്ങിയ ശേഷമാണ് ഗാവിത് മത്സരത്തില്‍ നിന്നും പിന്മാറിയത്. നാസിക് മേഖലയിലെ ഈ സീറ്റ് സിപിഎം നേരത്തെ ആവശ്യപ്പെട്ടിരുന്നു.
