Kerala
മാവേലിക്കര മണ്ഡലത്തിലെ സിപിഐ സ്ഥാനാര്‍ത്ഥി പട്ടികയില്‍ വെട്ടല്‍
തിരുവനന്തപുരം: മാവേലിക്കര മണ്ഡലത്തിലെ സിപിഐ സ്ഥാനാര്‍ത്ഥി പട്ടികയില്‍ വെട്ടല്‍. സി എ അരുണ്‍ കുമാറിന്റെ പേരാണ് സിപിഐ കോട്ടയം ജില്ലാ കൗണ്‍സിലിന്റെ പാനല്‍ പട്ടികയില്‍ നിന്ന് ഒഴിവാക്കിയത്. കോട്ടയം കൗണ്‍സില്‍ അംഗീകരിച്ച മൂന്നംഗ പട്ടികയില്‍ അരുണിന്റെ പേരില്ല.
ചിറ്റയം ഗോപകുമാര്‍, കെ അജിത്, ചെങ്ങറ സുരേന്ദ്രന്‍ എന്നിവരാണ് പാനലിലുള്ളത്. അരുണിന്റെ പേര് ചേര്‍ക്കണമെന്ന് രണ്ട് പേര് ആവശ്യപ്പെട്ടു. എന്നാല്‍ വേണമെങ്കില്‍ നാലാം പേരായി ചേര്‍ക്കാമെന്നായിരുന്നു ജില്ലാ നേതൃത്വത്തിന്റെ പ്രതികരണം. അരുണിന്റെ പേര് നേരത്തെ ഉയര്‍ന്നതില്‍ യോഗത്തില്‍ വിമര്‍ശനമുയര്‍ന്നു. സ്‌പോണ്‍സര്‍ഷിപ്പ് സ്ഥാനാര്‍ത്ഥിയാണെന്നും വിമര്‍ശനമുണ്ട്