ഖലിസ്ഥാന്‍ പ്രശ്നത്തില്‍ ഇന്ത്യയും കാനഡയും തമ്മില്‍ പ്രശ്നം വഷളായിരിക്കെ കാനഡയിലെ ബ്രാംപ്ടണിൽ ഹിന്ദു ക്ഷേത്രത്തിന് നേരെ ഖലിസ്ഥാൻ ആക്രമണം. ഹിന്ദുമഹാസഭ ക്ഷേത്രത്തിന് നേരെയാണ് ആക്രമണം ഉണ്ടായത്.
ഖലിസ്ഥാൻ അനുകൂലികളാണ് ക്ഷേത്രത്തിലേക്ക് പ്രകടനം നടത്തിയത്. ക്ഷേത്രത്തിലുള്ളവര്‍ക്ക് നേരെ ഈ സംഘം ആക്രമണം നടത്തി. സംഭവ സ്ഥലത്ത് പോലീസ് ഉണ്ടായിരുന്നില്ല.
ബ്രാംപ്ടണിലെ ഹിന്ദു ക്ഷേത്രത്തിൽ നടന്ന ആക്രമണത്തിൽ ആശങ്കയുണ്ടെന്ന് ഫെഡറൽ മന്ത്രി അനിത ആനന്ദ് എക്സിൽ കുറിച്ചു.‘ “ഹിന്ദുക്കൾ ഉൾപ്പെടെ എല്ലാ മതങ്ങൾക്കും ആരാധനാലയങ്ങൾ സന്ദർശിക്കാനും ആക്രമണങ്ങളില്ലാതെ അവരുടെ മതം ആചരിക്കാനും അവകാശമുണ്ട്.” – അവർ ഫേസ്ബുക് പോസ്റ്റിൽ പറഞ്ഞു.
