Kerala
വീട്ടിൽ പോകാൻ വണ്ടിയില്ല; നിർത്തിയിട്ട ബസ് മോഷ്ടിച്ച് പഴയ ഡ്രൈവർ
തൃശൂർ: കുന്നംകുളം പുതിയ ബസ്റ്റാൻഡിൽ നിന്ന് ബസ് മോഷണം പോയി. ഗുരുവായൂർ-കുന്നംകുളം റൂട്ടിൽ സർവീസ് നടത്തുന്ന ഷോണി ബസാണ് മോഷണം പോയത്.
ഇന്ന് പുലർച്ചയാണ് സംഭവം. രാവിലെ 4.13 ന് ബസ് കുന്നംകുളം പഴയ ബസ് സ്റ്റാൻഡിന് മുൻപിലെ സിസിടിവി ക്യാമറയിലും 4.19 ന് ചാട്ടുകുളത്തെ സിസിടിവി ക്യാമറയിലും മോഷ്ടാവ് ബസ് ഓടിച്ചു പോകുന്നതിന്റെ ദൃശ്യങ്ങൾ പതിഞ്ഞിട്ടുണ്ട്.
ബസിൻറെ പഴയ ഡ്രൈവർ തന്നെയാണ് ബസ് മോഷ്ടിച്ചതെന്ന് പൊലീസ് പറഞ്ഞു. യുവാവ് മദ്യ ലഹരിയിൽ ആയിരുന്നുവെന്നും പൊലീസ് അറിയിച്ചു.