Kerala
മുൻ വാതിൽ അടച്ചില്ല, ബസില്‍നിന്ന് പുറത്തേക്ക് തെറിച്ചുവീണ് യുവതിക്ക് പരിക്ക്
തൃശ്ശൂർ: വാതിൽ അടയ്ക്കാതെ ഓടിക്കൊണ്ടിരുന്ന ബസിൽനിന്ന് യുവതി പുറത്തേക്ക് തെറിച്ചു വീണ് അപകടം. തിങ്കളാഴ്ച വൈകുന്നേരം 3.45ഓടെ ഉണ്ടായ അപകടത്തിൽ ചേറ്റുവ പച്ചാമ്പുള്ളി വീട്ടില്‍ ഗ്രീഷ്മ (26)-ന് പരിക്കേറ്റു.
ഗുരുവായൂര്‍-കൊടുങ്ങല്ലൂര്‍ റൂട്ടില്‍ സര്‍വ്വീസ് നടത്തുന്ന എസ്.എന്‍.ട്രാന്‍സ്‌പോര്‍ട്ട് ബസില്‍നിന്നാണ് ഗ്രീഷ്മ തെറിച്ചുവീണത്. ബസിന്റെ മുൻ വാതിൽ അടച്ചിരുന്നില്ല. ചാവക്കാട് ബസ് സ്റ്റാന്‍ഡില്‍നിന്ന് ആളെ കയറ്റിയ ബസ് തെക്കെ ബൈപ്പാസിലെ വളവിലെത്തിയപ്പോഴാണ് തുറന്നു കിടന്നിരുന്ന മുന്‍വാതിലിലൂടെ ഗ്രീഷ്മ പുറത്തേക്ക് തെറിച്ചുവീണത്.