Kerala
മേയർ- ഡ്രൈവർ തർക്കം; ആര്യാ രാജേന്ദ്രനെതിരെ കേസെടുക്കാതെ പൊലീസ്
തിരുവനന്തപുരം: മേയർ-കെഎസ്ആർടിസി ഡ്രൈവർ തർക്കത്തിൽ മേയർക്കെതിരെ കന്റോൺമെന്റ് പൊലീസിന് പരാതി നൽകിയതിന് പിന്നാലെ പൊലീസ് കമ്മീഷണർക്കും പരാതി നൽകി ഡ്രൈവർ യദു. കന്റോൺമെന്റ് പൊലീസിൽ പരാതി നൽകിയിട്ടും നടപടി ഉണ്ടാകാത്തതിന് പിന്നാലെയായിരുന്നു ഡ്രൈവർ യദു കമ്മീഷണർക്ക് പരാതി നൽകിയത്. കൃത്യ നിർവഹണം തടസപ്പെടുത്തിയെന്നും, അസഭ്യം പറഞ്ഞെന്നും ചൂണ്ടി കാണിച്ചാണ് ആര്യ രാജേന്ദ്രൻ, സച്ചിൻ ദേവ്, ആര്യയുടെ സഹോദരൻ എന്നിവർക്കെതിരെ യദു കമ്മീഷണർക്ക് പരാതി നൽകിയത്. വിഷയത്തിൽ ഇതുവരെ പൊലീസ് കേസ് എടുത്തിട്ടില്ല.