Kerala
പാനൂരിൽ ആർഎസ്എസ് പ്രവർത്തകന്റെ വീടിന് നേരെ ബോംബാക്രമണം; സിപിഐഎം പ്രവർത്തകരെന്ന് ആർഎസ്എസ്
കണ്ണൂർ: കണ്ണൂർ പാനൂരിൽ ആർഎസ്എസ് പ്രവർത്തകൻ്റെ വീടിന് നേരെ ബോംബാക്രമണം. തെക്കേ പാനൂരിലെ രജീഷിൻ്റെ വീടിന് നേരെയാണ് ആക്രമണം ഉണ്ടായത്. ആക്രമണത്തിൽ രജീഷിന് തലയ്ക്കും കയ്യിലും പരിക്ക് പറ്റി. പരിക്കേറ്റവരെ തലശ്ശേരി ഇന്ദിരാഗാന്ധി സഹകരണ ആശുപത്രിയിൽ പ്രവേശിപ്പിച്ചു. സിപിഐഎം പ്രവർത്തകരാണ് അക്രമത്തിന് പിന്നിലെന്ന് ആർഎസ്എസ് പ്രവർത്തകർ ആരോപിച്ചു. സംഭവത്തിൽ പൊലീസ് സ്ഥലത്തെത്തി തെളിവുകൾ ശേഖരിച്ച് അന്വേഷണം ആരംഭിച്ചിട്ടുണ്ട്.