India
ആഭ്യന്തരമന്ത്രാലയത്തിന് നേരെ ബോംബ് ഭീഷണി; ലഭിച്ചത് ഇമെയില്‍ വഴി
ന്യൂഡല്‍ഹി: സ്‌കൂളുകള്‍ക്കും വിമാനത്താവളത്തിനും പിന്നാലെ, ആഭ്യന്തരമന്ത്രാലയം പ്രവര്‍ത്തിക്കുന്ന പാര്‍ലമെന്റ് മന്ദിരത്തിലെ നോര്‍ത്ത് ബ്ലോക്ക് തകര്‍ക്കുമെന്ന് ബോംബ് ഭീഷണി. ഇമെയില്‍ വഴിയാണ് സന്ദേശം ലഭിച്ചിരിക്കുന്നത്. മൂന്നരയോടെയാണ് പൊലീസ് കണ്‍ട്രോള്‍ ഓഫീസിലെ ഇ മെയിലില്‍ ഭീഷണി സന്ദേശം ലഭിച്ചത്.
സന്ദേശത്തിന്റെ അടിസ്ഥാനത്തില്‍ പൊലീസും അഗ്നിരക്ഷാസേനയും ബോംബ് സ്‌ക്വാഡും പരിശോധന നടത്തിയെങ്കിലും സംശയാസ്പദമായി ഒന്നും കണ്ടെത്താനായില്ലെന്നാണ് റിപ്പോര്‍ട്ടുകള്‍.
ഈ മാസം ഡല്‍ഹിയില്‍ 150ലേറെ സ്‌കൂളുകള്‍ക്കുനേരെ ബോംബ് ഭീഷണി ലഭിച്ചിരുന്നു. ഹംഗറിയുടെ തലസ്ഥാനനഗരിയില്‍ നിന്നാണ് ഇമെയില്‍ സന്ദേശം വന്നതെന്നാണ് പൊലീസിന്റെ സംശയം. സംഭവത്തില്‍ ഹംഗറി പൊലീസുമായി ബന്ധപ്പെടുമെന്ന് ഡല്‍ഹി പൊലീസ് അറിയിച്ചു.