India
എംഎൽഎമാരെ ബിജെപി വിലയ്ക്കുവാങ്ങുന്നുവെന്ന ആരോപണം; കെജ്രിവാളിന്റെ വീട്ടിലെത്തി ക്രൈംബ്രാഞ്ച്
ന്യൂഡൽഹി: ആംആദ്മി എംഎൽഎമാരെ ബിജെപി വിലയ്ക്കുവാങ്ങുന്നുവെന്ന ആരോപണം ഉന്നയിച്ചതിന് പിന്നാലെ ഡൽഹി മുഖ്യമന്ത്രി അരവിന്ദ് കെജ്‌രിവാളിന് ക്രൈംബ്രാഞ്ചിന്റെ നോട്ടീസ്. ആരോപണം സാധൂകരിക്കുന്ന തെളിവുകൾ ഹാജരാക്കാൻ ക്രൈംബ്രാഞ്ച് ആവശ്യപ്പെട്ടു. കെജ്രിവാളിന്റെ ആരോപണത്തിന്റെ അടിസ്ഥാനത്തിൽ ബിജെപി നേതാക്കൾ പരാതി നൽകിയിരുന്നു.
ഡൽഹിയിലെ എഎപി സർക്കാരിനെ അട്ടിമറിക്കാൻ ബിജെപി എംഎൽഎമാർക്ക് 25 കോടി വാഗ്ദാനം ചെയ്തുവെന്നും എംഎൽഎമാരുമായി ബിജെപി ചർച്ച നടത്തിയെന്നുമായിരുന്നു അരവിന്ദ് കെജ്രിവാളിന്റെ ആരോപണം.